اعتذر إن كان في يوم (ن) خطيت
والعذر لو كل ما شفتك بكيت
الوفا يجري بدمي ما حييت
وإنتا أوفى من عرفته لا جفيت
مرت أيامي وعمري ما نسيت
دمعتك يوم إني ودعتك بكيت
واذكر إني وقتها بعينك قريت
ليت أشوفك لو يطول البعد ليت
اعتذرك لك طول عمري وإن بغيت
خذ دموعي واكتب بكفي وفيت
الجفا ماهو بطبعي وإن جفيت
لا تظن إني نسيتك أو قسيت
لأنك أدرى بي وقلبي لك عطيت
يا رفيق الروح مثلك ما لقيت
لو يعز الوصل في الدنيا بنيت
وصلك بروحي ولا عنك سليت
لا ذكرتك في الليالي اكتفيت
بدعائي في صلاتي وارتجيت
لك سعادة تغمرك كل ما مشيت
ويا عسى تجزيك دعوات (ن) خفيت
الإثنين مارس 31, 2014 4:06 pm من طرف 
